Azərbaycan Kuboku: "Qarabağ"ı məğlub edən "Sabah" finala yüksəldi

Futbol üzrə Azərbaycan Kubokunda ikinci finala yüksələn komanda "Sabah" olub.

Gundem.today xəbər verir ki, yarımfinal mərhələsinin cavab oyununda evdə "Qarabağ"ı qəbul edən "bayquşlar" 2:1 hesablı qələbəyə sevinib.

"Bank Respublika Arena"da baş tutan matçda Ağdam təmsilçisinin qolunu Kamilo Duran (59) vurub. Meydan sahiblərinin heyətində isə Velko Simiç (78) və Patrik Mbina (87) fərəqləniblər.

Qurban Qurbanovun rəhbərlik etdiyi kollektiv görüşün böyük qismini 10 nəfərlə keçirib. Qonaqların heyətində 35-ci dəqiqədə qapıçı Mateuş Koxalski kobud oyuna görə birbaşa qırmızı vərəqə ilə cəzalandırılaraq meydandan qovulub.

Tərəflər arasında baş tutan ilk görüşdə 2:2 hesablı heç-heçə qeydə alındığı üçün Bakı klubu adını həlledici mərhələyə yazdırıb.

Bununla da, "Sabah" finalda "Zirə" ilə üz-üzə gələcək. Bakı təmsilçisi ötən gün yarımfinalın cavab oyununda "Turan Tovuz"la qolsuz bərabərə qalıb. İlk dueldə "qartallar" üstün olub - 2:0.

Futbol üzrə Bizon Azərbaycan Kubokunda yarımfinal mərhələsinin növbəti oyunu keçirilir.

Gundem.today xəbər verir ki, mərhələnin növbəti qarşılaşmasında bu gün "Sabah" "Qarabağ"ı qəbul edəcək.

Oyun "Bank Respublika Arena"da saat 20:00-da start götürəcək.

Xatırladaq ki, komandalar arasında keçirilən ilk qarşılaşma 2:2 hesablı bərabərliklə yekunlaşıb.

Azərbaycan Kuboku

Yarımfinal, cavab oyunları

22 aprel

20:00. "Sabah" - "Qarabağ" (ilk oyun 2:2)

Hakimlər: Rəvan Həmzəzadə, Cəmil Quliyev, Şirmamed Mamedov, Kamal Umudlu.

VAR: Kamranbəy Rəhimov.

AVAR: Rəhman İmami.

Hakim-inspektor: Rəhim Həsənov.

AFFA nümayəndəsi: Eldəniz Musayev.

"Bank Respublika Arena".

Xəbər maraqlı gəlib? Sosial şəbəkələrdə paylaşın