Bakıda gecəyarı DAVA: Ölən və yaralı var

Bakıda gənc dava zamanı iki nəfəri bıçaqlayıb.

Gundem.today-ın məlumatına görə, hadisə iyunun 7-si gecə saatlarında paytaxtın Sabunçu rayonunun Pirşağı qəsəbəsində baş verib. Qəsəbə sakini, 1999-cu il təvəlüdlü Sakit Piriyev tanışları - 1986-cı il təvəllüdlü Məzahir Xələfov və 1983-cü il təvəllüdlü Balağa Ağayevlə mübahisə edib. Mübahisə nəticəsində S.Piriyev üzərində gəzdirdiyi bıçaqla M.Xələfov və B.Ağayevə xəsarət yetirib.

Hər iki yaralı xəstəxanaya yerləşdirilsələr də, M.Xələfov döş qəfəsindən aldığı yaralar nəticəsində ölüb.

B.Ağayevin isə müalicəsi davam etdirilir.

Polis əməkdaşlarının keçirdikləri tədbirlərlə hadisəni törətməkdə şübhəli bilinən S.Piriyev saxlanılaraq istintaqa təhvil verilib. Faktla bağlı cinayət işi başlanılıb.

Xəbər maraqlı gəlib? Sosial şəbəkələrdə paylaşın