Bakıda yaddaşını itirmiş qadın axtarılır

Bakıda 61 yaşlı qadının itkin düşüb.

Bununla bağlı Gundem.today-a müraciət daxil olub.

İtkin düşən şəxs 1965-ci il təvəllüdlü Rasimə Ələddin qızı Kamalovadır.

Bildirilib ki, o, dünən evdən çıxıb və bir daha geri qayıtmayıb. Yaxınlarının sözlərinə görə, qadının boyu 160 sm, gözlərinin rəngi qəhvəyidir. Evdən çıxarkən əynində ağ gödəkcə, ağ köynək, ağ şalvar və ağ idman ayaqqabısı olub.

Qeyd olunub ki, Rasimə Kamalova ağır xəstəlikdən - dördüncü dərəcəli xərçəngdən əziyyət çəkir, həmçinin baş beyin əməliyyatı keçirib və yaddaş problemi var. Onu görən şəxslərdən hüquq-mühafizə orqanlarına və ya (+994 50) 661-82-96 əlaqə nömrəsi ilə yaxınlarına məlumat vermələri xahiş olunur.

Daxili İşlər Nazirliyinin (DİN) Mətbuat Xidmətindən bildirilib ki, R.Kamalovanın tapılması istiqamətində polis əməkdaşları tərəfindən tədbirlər görülür.

Xəbər maraqlı gəlib? Sosial şəbəkələrdə paylaşın