Danışmaqdan qorxan adam necə dünya ulduzuna çevrildi? - VİDEO

"Ən böyük problemimi sərvətə çevirdim" deyən Skatman Con uşaqlıqdan ağır kəkələmə problemi ilə üzləşsə də, bunu həyatının dönüş nöqtəsinə çevirə bildi.

Məktəbdə lağa qoyulan və danışmaqdan çəkinən Con Larkin çıxış yolunu musiqidə tapdı. Xüsusilə, skat texnikası ona sözlərsiz özünü ifadə etmək imkanı verdi.

Gundem.today xəbər verir ki, bu barədə Baku TV-nin videomaterialında bildirilir.

Gənclik illərində uğursuzluqlar, alkoqol və narkotik asılılığı onun həyatını daha da çətinləşdirdi və bir müddət səhnədən uzaq düşdü.

Lakin həyat yoldaşı Cudinin dəstəyi və öz iradəsi sayəsində o, asılılıqlardan qurtularaq musiqiyə yeni yanaşma ilə qayıtdı.

Berlinə köçdükdən sonra skat üslubunu "eurodisco" ilə birləşdirərək "Scatman" hiti ilə 52 yaşında dünya şöhrəti qazandı.

Onun mahnıları yalnız musiqi deyil, həm də özünə inamsız insanlar üçün bir mesaj idi: ən böyük zəiflik belə gücə çevrilə bilər.

Qısa, lakin parlaq karyerası ilə Skatman Con sübut etdi ki, insan istək və inamla həyatın ən çətin maneələrini belə aşa bilər.

Xəbər maraqlı gəlib? Sosial şəbəkələrdə paylaşın