Əraqçı İslamabadda İranın nüvə proqramını müzakirə edəcək?

İranın xarici işlər naziri Abbas Əraqçı İslamabada növbəti səfəri zamanı Pakistan tərəfi ilə nüvə proqramını müzakirə etməyi planlaşdırmır.

Gundem.today xəbər verir ki, bu barədə "Tasnim" agentliyi məlumat yayıb.

Mənbələrin bildirdiyinə görə, danışıqlarda əsasən Hörmüz boğazında yeni hüquqi rejimin yaradılması, ABŞ-nin İran limanlarına tətbiq etdiyi dəniz blokadasının aradan qaldırılması, kompensasiyalar və İrana qarşı hücum etməmək zəmanətləri kimi məsələlər müzakirə olunacaq.

Eyni zamanda, "Fars" agentliyi xəbər verib ki, Əraqçı daha əvvəl vasitəçi qismində çıxış edən Pakistana ABŞ üçün nəzərdə tutulmuş, rəsmi danışıqlar çərçivəsindən kənar bir sənəd təqdim edib. Həmin sənəddə İranın əsas "qırmızı xətləri", o cümlədən Hörmüz boğazının idarə olunması və ölkənin nüvə enerjisi ilə bağlı mövqeləri əks olunub.

Xəbər maraqlı gəlib? Sosial şəbəkələrdə paylaşın