"Fənərbağça"nın kapitanı bir il müddətinə futboldan uzaqlaşdırıldı

"Fənərbağça" futbol klubunun kapitanı və yarımmüdafiəçisi Mert Hakan Yandaş mərc oyunlarında iştirak etdiyi üçün bir il müddətinə diskvalifikasiya edilib. Bu qərarı Peşəkar Futbol İntizam Komitəsi qəbul edib.

Gundem.today bu barədə Türkiyə Futbol Federasiyasının (TFF) rəsmi saytına istinadən xəbər verir.

2025-ci ilin dekabrında Yandaş danışılmış oyunlar və mərc oyunları ilə bağlı araşdırma çərçivəsində saxlanılmışdı. 2026-cı ilin fevralında ona qarşı ittiham irəli sürülüb. Futbolçunun 17 il 10 aya qədər həbs cəzası ala biləcəyi bildirilirdi. Aprel ayının əvvəlində Yandaş dörd aylıq həbsdən sonra azadlığa buraxılıb.

Qeyd edək ki, Yandaş 2020-ci ilin yayından "Fənərbağça"da çıxış edir. Bu müddət ərzində 31 yaşlı yarımmüdafiəçi bütün turnirlərdə 149 matçda iştirak edib, 11 qol və 25 məhsuldar ötürmə ilə yadda qalıb. Oyunçunun klubla hazırkı müqaviləsi 2026-cı ilin yayına qədər nəzərdə tutulub.

Xəbər maraqlı gəlib? Sosial şəbəkələrdə paylaşın