
KİV: İranın daha bir gəmisi Hörmüz boğazını keçdi
ABŞ tərəfindən tətbiq edilən dəniz blokadasına rəğmən, İrana aid daha bir gəmi Hörmüz boğazını keçməyi bacarıb.
ABŞ tərəfindən tətbiq edilən dəniz blokadasına rəğmən, İrana aid daha bir gəmi Hörmüz boğazını keçməyi bacarıb.
Gundem.today xəbər verir ki, bu barədə məlumatı İranın "Fars" xəbər agentliyi yayımlayıb.
"İranın ikinci gəmisi Hörmüz boğazını arxada qoyaraq "İmam Xamenei" limanına istiqamət alıb", - deyə açıqlamada qeyd olunub. Agentlik əlavə edir ki, sözügedən dəniz nəqliyyatı vasitəsi ərzaq məhsulları daşıyır.
Xatırladaq ki, bundan əvvəl sanksiya altında olan İranın supertankeri Hörmüz boğazını keçərək ölkənin ərazi sularına daxil olub. Qeyd olunub ki, gəmi yerləşməni müəyyən edən identifikasiya sistemi açıq vəziyyətdə hərəkət edib. Məlumata görə, həmin tanker eyni vaxtda iki milyon barel xam neft daşıma qabiliyyətinə malikdir.
İrana məxsus, iki milyon barel neft daşımaq gücündə olan nəhəng tanker ABŞ-nin dəniz blokadasını yararaq, heç bir maneə ilə qarşılaşmadan təyinat yerinə çatıb.
Gundem.today xəbər verir ki, bu barədə "Fars" agentliyi məlumat yayıb.
Mənbənin sözlərinə görə, Birləşmiş Ştatların sanksiyaları altında olan supertanker açıq dənizdən və Hörmüz boğazından keçərək, mövqe müəyyənləşdirmə sistemi açıq vəziyyətdə İran sularına daxil olub.
Qeyd edək ki, aprelin 13-dən etibarən ABŞ Hörmüz boğazında blokadaya başlayıb və ayın 15-də verilən açıqlamada hələlik heç bir gəminin bu maneəni aşa bilmədiyi iddia olunub. "The Wall Street Journal" nəşrinin yazdığına görə, Səudiyyə Ərəbistanı və Yaxın Şərqin digər neft ixracatçıları İranın husilər vasitəsilə Bab-əl-Məndəb boğazını da bağlaya biləcəyindən ehtiyatlanaraq, blokadanın ləğvi üçün ABŞ-yə təzyiq göstərirlər.
Xatırladaq ki, fevralın 28-də İsrailin müdafiə naziri İsrael Kats İsrail Müdafiə Qüvvələrinin İrana qabaqlayıcı zərbə endirdiyini açıqlayıb. Daha sonra ABŞ Prezidenti Donald Tramp ölkəsinin də İrana qarşı hərbi əməliyyatda iştirak etdiyini bildirib.
İran isə öz növbəsində İsrailə onlarla ballistik raket atıb. İsrail Müdafiə Qüvvələri atışları təsdiqləyib, ölkə daxilində sirenlər səslənib və hava hücumundan müdafiə sistemləri işə salınıb.
Martın 1-də İranın Ali Lideri Əli Xameneinin hücumlar zamanı öldürüldüyü bəyan olunub.
İran ABŞ-nin hərbi bazalarının yerləşdiyi qonşu ölkələrin əksəriyyətinə raket zərbələri endirib. Buna görə də həmin ölkələrdə hava məkanı müvəqqəti bağlanıb.
Həmçinin Hörmüz boğazından gəmilərin keçidində ciddi problemlər yaranıb.
Aprelin 8-də Donald Tramp Tehrana verdiyi ultimatumun vaxtının bitməsinə bir neçə saat qalmış Vaşinqtonun ikihəftəlik atəşkəslə razılaşdığını elan edib.
Xəbər maraqlı gəlib? Sosial şəbəkələrdə paylaşın
Oxşar Xəbərlər
DünyaƏfqanıstan dağlarında zəlzələ
Əfqanıstanın Hinduquş dağları ərazisində 5 maqnitudalı yeraltı təkanlar qeydə alınıb.
DünyaDonald Tramp Si Cinpinlə görüşünün tarixi xarakter daşıyacağına ümid edir
ABŞ Prezidenti Donald Tramp Çin Xalq Respublikasının Sədri Si Cinpinlə planlaşdırılan görüşünün tarixi xarakter daşıyacağına ümid etdiyini vurğulayıb.
DünyaYaponiyanın qərbini zəlzələ silkələdi
Yaponiyanın qərbində 5 bal gücündə zəlzələ baş verib.
DünyaFransız rəssam Klod Monenin iki əsəri rekord məbləğə satıldı
Fransız impressionist rəssam Klod Monenin iki əsəri Fransada keçirilən hərracda rekord qiymətə satılıb.