Qalibaf: "Hörmüz boğazında yeni qüvvələr nisbəti formalaşır"

"Amerika Birləşmiş Ştatları və onun müttəfiqlərinin atəşkəs rejimini pozması, həmçinin İrana qarşı tətbiq edilən dəniz blokadası nəticəsində Hörmüz boğazı sularında təhlükəsiz hərəkət ciddi risk altındadır".

Gundem.today-ın verdiyi xəbərə əsasən, bunu İran parlamentinin sədri Məhəmməd Baqir Qalibaf özünün "X" hesabında bildirib.

"Hörmüz boğazında yavaş-yavaş yeni qüvvələr nisbəti formalaşır. ABŞ və müttəfiqlərinin atəşkəsi pozaraq blokada tətbiq etməsi səbəbindən dəniz daşımaları və enerji resurslarının tranzit təhlükəsizliyi böyük təhdidlə üz-üzə qalıb", -deyə spiker qeyd edib.

Qalibafın fikrincə, hazırkı vəziyyəti qoruyub saxlamaq ABŞ üçün olduqca dözülməz bir haldır, baxmayaraq ki, rəsmi Tehran hələlik heç bir əməli tədbirə əl atmayıb.

Xəbər maraqlı gəlib? Sosial şəbəkələrdə paylaşın