Qəbul imtahanı üzrə indiyədək qeydiyyatdan keçənlərin sayı AÇIQLANDI

I, II, III və IV ixtisas qrupları üzrə qəbul imtahanının 2-ci mərhələsinin 1-ci cəhdində iştirak etmək istəyən abituriyentlər 29 aprel saat 23:59-dək şəxsi kabinetinin istifadəçi adı və parolundan istifadə etməklə Dövlət İmtahan Mərkəzinin (DİM) müvafiq internet səhifəsinə (https://eservices.dim.gov.az/erizebak/cehd1/) daxil olaraq imtahan vermək istədikləri ixtisas qrupunu seçib qeydiyyatdan keçməlidirlər.

Gundem.today xəbər verir ki, bu barədə DİM məlumat yayıb.

23 aprel saat 10:30-a olan məlumata əsasən I ixtisas qrupu üzrə 23782, II ixtisas qrupu üzrə 18863, III ixtisas qrupu üzrə 18161, IV istisas qrupu üzrə 4881 olmaqla ümumilikdə isə 65 687 abituriyent indiyədək qeydiyyatdan keçib.

İmtahanda yalnız göstərilən tarixədək qeydiyyatdan keçmiş abituriyentlər iştirak edə bilərlər.

Qeyd edək ki, ali təhsil müəssisələrinə qəbul imtahanının ikinci mərhələsinin birinci cəhdi II və III ixtisas qrupları üzrə mayın 24-də, I və IV qruplar üzrə isə iyunun 7-də keçiriləcək. III ixtisas qrupu üzrə həm DT, həm də TC altqrupunu seçən abituriyentlər üçün coğrafiya fənni üzrə əlavə imtahan iyunun 7-də olacaq.

Xəbər maraqlı gəlib? Sosial şəbəkələrdə paylaşın