"Renault" Çinlə rəqabətə görə mühəndis heyətini ixtisar edəcək

Fransanın "Renault" avtomobil brendi büdcə dostu modellər təqdim edən Çin şirkətləri ilə rəqabətə davam gətirmək və operativliyini artırmaq məqsədilə qlobal mühəndis heyətinin 15-20%-ni ixtisar etməyi planlaşdırır.

Gundem.today "Reuters" agentliyinə istinadən xəbər verir ki, kütləvi ixtisar prosesi növbəti iki il ərzində həyata keçiriləcək.

Şirkətdə hazırda təxminən 11-12 min mühəndisin çalışdığını nəzərə alsaq, bu qərarın 2 400-dək işçini əhatə edəcəyi proqnozlaşdırılır. Qeyd edək ki, ötən ilin yekunlarına görə, "Renault"un ümumi işçi sayı 101 min nəfər təşkil edib.

Xəbər maraqlı gəlib? Sosial şəbəkələrdə paylaşın