
Trampdan İrana sərt mesaj: "Uranı onlarla və ya onlarsız götürəcəyik" - VİDEO
ABŞ Prezidenti Donald Tramp bəyan edib ki, Vaşinqton İranla danışıqların nəticəsindən asılı olmayaraq bu ölkənin yüksək zənginləşdirilmiş uran ehtiyatlarını nəzarətə götürmək niyyətindədir.
ABŞ Prezidenti Donald Tramp bəyan edib ki, Vaşinqton İranla danışıqların nəticəsindən asılı olmayaraq bu ölkənin yüksək zənginləşdirilmiş uran ehtiyatlarını nəzarətə götürmək niyyətindədir.
Gundem.today xəbər verir ki, bu barədə o, "NBC News" telekanalına müsahibəsində danışıb.
"Biz uranı onlarla birlikdə və ya onsuz da götürəcəyik. Bu zaman heç kim bizə atəş açmayacaq", - deyə Tramp bildirib.
"Əgər razılıq əldə etsək və münasibətlər dostcasına olsa, bunu birlikdə həyata keçirəcəyik. Avadanlıq bizim olacaq. Uranı çıxarıb ya yerində məhv edəcəyik, ya da başqa yerə aparacağıq", - deyə o vurğulayıb.
Tramp həmçinin ABŞ ilə İran arasında nüvə sazişinin imzalanmasına çox az qaldığını bildirib. Onun sözlərinə görə, tərəflər arasında yalnız bir neçə məsələ açıq qalır və bunlar ciddi problemlər hesab edilmir.
"Biz razılaşmaya çox yaxınıq. Onlar nüvə silahına sahib olmayacaqlarını qəbul ediblər", - deyə ABŞ lideri əlavə edib.
Donald Tramp onu da qeyd edib ki, İranla mümkün razılaşmadan sonra ölkənin dondurulmuş aktivləri dərhal azad edilməyəcək.
"Əgər onlar düzgün davransalar və yaxşı nəticə göstərsələr, o zaman bu barədə danışmağa başlayacağıq", - deyə ABŞ Prezidenti bildirib.
Xəbər maraqlı gəlib? Sosial şəbəkələrdə paylaşın
Oxşar Xəbərlər
Dünya"Pokemon Go" oyunçularının fotoları hərbi dronların naviqasiyası üçün istifadə edilib?
"Pokemon Go" oyunçuları tərəfindən toplanmış şəkillər döyüş təyinatlı pilotsuz uçuş aparatlarının (PUA) naviqasiya sisteminin yaradılmasında tətbiq edilmiş ola bilər.
Dünya"Brent" və WTI markalı neft füçersləri UCUZLAŞDI
Qlobal bazarda neft kəskin bahalaşmadan sonra yenidən ucuzlaşıb.
DünyaRusiyada hərəkətdə olan avtomobil partladıldı: Sürücü həlak oldu - FOTO - VİDEO
Moskva vilayətinin Balaşixa şəhərində avtomobilin partlaması nəticəsində sürücü həyatını itirib.
DünyaTramp ABŞ-nin ədliyyə naziri postuna Blanşın təsdiqlənməsini təklif etdi
ABŞ Prezidenti Donald Tramp Konqresin Senatına hazırda Ədliyyə Nazirliyinin rəhbəri (ABŞ Baş prokuroru) vəzifəsini icra edən Todd Blanşın həmin posta təsdiqlənməsini təklif edib.