"X" sosial şəbəkəsi yeni mesencerini istifadəyə verdi

"X" sosial şəbəkəsində (keçmiş "Twitter") "XChat" adlı mesencer istifadəyə verilib.

Gundem.today xəbər verir ki, yeni xidmətin xüsusiyyətləri barədə şirkətin saytında və rəsmi hesablarında məlumat verilib.

Tətbiq "iOS" əməliyyat sistemi istifadəçiləri üçün əlçatandır. Qeydiyyat telefon nömrəsinə ehtiyac olmadan mövcud "X" sosial şəbəkə hesabı vasitəsilə mümkündür.

Tərtibatçılar mesencerdə başdan-başa şifrələmənin tətbiq olunduğunu bəyan ediblər.

Həmçinin elan edilmiş funksiyalar arasında audio və videozənglər, faylların göndərilməsi və qrup çatların yaradılması imkanı var.

Ayrıca tətbiq daxilində ekran görüntülərinin çəkilməsinin bloklanması funksiyasının mövcudluğu vurğulanır.

Xəbər maraqlı gəlib? Sosial şəbəkələrdə paylaşın