Azərbaycan güləşçiləri Antalyadakı "Çempionlar" turnirində 13 medal qazanıblar

Türkiyənin Antalya şəhərində keçirilən "Çempionlar" turniri başa çatıb.

Gundem.today xəbər verir ki, turnirin son günündə Azərbaycanın dörd güləşçisi fəxri kürsüyə qalxıb.

Sərbəst güləşdə Bəşir Verdiyevlə (65 kiloqram) Yusif Dursunov (125 kiloqram) gümüş, Muxamad Qantemirov (125 kiloqram) bürünc medal qazanıblar.

Yunan-Roma güləşində isə Tural Əhmədov (63 kiloqram) bütün rəqiblərinə qalib gələrək çempion olub.

Sərbəst güləş üzrə millimiz turniri 119 xalla komanda hesabında 3-cü pillədə başa vurub.

Beləliklə, "Çempionlar" turnirində güləşçilərimiz ümumilikdə 13 (3 qızıl, 4 gümüş, 6 bürünc) medal əldə ediblər.

Xəbər maraqlı gəlib? Sosial şəbəkələrdə paylaşın