Azərbaycan - Syerra Leone matçını idarə edəcək hakimlər açıqlandı

"FIFA Series - 2026" beynəlxalq turniri çərçivəsində bu gün baş tutacaq Azərbaycan - Syerra Leone qarşılaşmasında ədaləti Özbəkistandan olan hakimlər briqadası qoruyacaq.

Gundem.today xəbər verir ki, bu matçın baş hakimi vəzifəsi Asker Najafaliyevə həvalə edilib.

Ona həmyerliləri İslom Azimov, Baxtiyorxuja Şavkatov köməklik göstərəcəklər. Görüşdə dördüncü hakim funksiyasını isə Axrol Ruskullayev yerinə yetirəcək.

Xatırladaq ki, futbol azarkeşlərinin diqqət mərkəzində olan bu qarşılaşma Mehdi Hüseynzadə adına Sumqayıt şəhər stadionunda təşkil olunacaq və saat 19:00-da start götürəcək.

Xəbər maraqlı gəlib? Sosial şəbəkələrdə paylaşın