"Barselona"da CİDDİ İTKİ: Ulduz futbolçu sıradan çıxdı - FOTO

İspaniyanın "Barselona" klubunun ulduz futbolçusu Rafinya zədələnib.

Gundem.today xəbər verir ki, bu barədə Kataloniya təmsilçisinin mətbuat xidməti rəsmi məlumat yayıb.

Məlumata görə, braziliyalı vinger milli komandanın məşqində iştirak edərkən ayaq əzələsindən xəsarət alıb. Tibbi yoxlamalardan sonra 29 yaşlı oyunçunun təxminən 5 həftə ərzində komandasına kömək edə bilməyəcəyi dəqiqləşib.

Bu zədə səbəbindən o, bir sıra həlledici qarşılaşmalarda, o cümlədən "Atletiko"ya qarşı 3 kritik matçda (2-si Çempionlar Liqası, 1-i La Liqa) iştirak edə bilməyəcək. Həmçinin, futbolçu "Espanyol"la derbini, eləcə də "Selta Viqo" və "Xetafe" ilə görüşləri buraxmaq məcburiyyətində qalıb.

Qeyd edək ki, Rafinya bu mövsüm "Barselona"nın heyətində keçirdiyi 31 rəsmi matçda 19 qol və 8 məhsuldar ötürmə ilə yadda qalıb.

Xəbər maraqlı gəlib? Sosial şəbəkələrdə paylaşın