Cüdoçularımız Avropa Açıq Turnirini üç medalla başa vurublar

Azərbaycanın cüdo millisi Estoniyanın paytaxtı Tallində keçirilən Avropa Açıq Turnirini 3 medalla başa vurub.

Gundem.today xəbər verir ki, bu barədə Azərbaycan Cüdo Federasiyası məlumat yayıb.

Yarışın son günündə Gültac Məmmədəliyeva (52 kq) bürünc medala sahib çıxıb. O, üçüncü yer uğrunda görüşdə Böyük Britaniya təmsilçisi Keytlin Barberi məğlub edib.

Xatırladaq ki, turnirin ilk günündə Fidan Əlizadə (63 kq) gümüş, Madina Kaisinova (+78 kq) isə bürünc medal əldə etmişdi.

Xəbər maraqlı gəlib? Sosial şəbəkələrdə paylaşın