Ermənistanda Karapetyanın partiyasının tərəfdarları rüşvətə görə saxlanıldılar

Ermənistanın Antikorrupsiya Mübarizə Komitəsi iş adamı Samvel Karapetyanın Güclü Ermənistan partiyasının beş tərəfdarının seçki rüşvəti vermə maddəsi ilə açılmış cinayət işi çərçivəsində saxlanıldığını bildirib.

Gundem.today bu barədə TASS agentliyinə istinadən xəbər verir.

Komitənin bəyanatında qeyd olunub ki, "Güclü Ermənistan" partiyası adından hərəkət edən bir qrup şəxsin iyun ayında keçiriləcək parlament seçkisində həmin siyasi qüvvəyə səs vermələri müqabilində bir sıra vətəndaşlara seçki rüşvəti verməsi barədə mötəbər məlumatlar əldə olunub.

Komitə əlavə edib ki, istintaq zamanı "Güclü Ermənistan" adından çıxış edən şəxslərdən birinin "seçki dövründə xeyriyyəçilik qadağası"nı pozduğu və vətəndaşları mitinqlərdə iştiraka təhrik etdiyi də müəyyənləşdirilib.

Xəbər maraqlı gəlib? Sosial şəbəkələrdə paylaşın