Ev üçün ətir necə seçilməlidir: Parfümerdən faydalı məsləhətlər

Eviniz üçün uyğun qoxu seçimi zamanı onun funksionallığına, otağın parametrlərinə və bir sıra digər detallara diqqət yetirmək vacibdir.

Gundem.today xəbər verir ki, bu barədə parfümer Mira Bruman "İzvestiya" nəşrinə açıqlamasında bildirib.

Mütəxəssisin sözlərinə görə, ilk növbədə ətirin qarşısına qoyulan funksional məqsədi müəyyənləşdirmək və onun məkandakı rolunu anlamaq lazımdır:

İstirahət üçün: Sakitləşdirici atmosfer yaratmaq üçün lavanda və ya səndəl ağacı kimi yumşaq çiçək, odun və müşk notları seçin.

Rahatlıq və qonaqpərvərlik üçün: Darçın, vanil və zəif qəhvə çalarları daxil olmaqla, isti ədviyyatlı və şirin qoxulara üstünlük verin.

Diqqəti cəmləmək üçün: Limon və ya yaşıl çay kimi təravətli sitrus və yaşıl notlar daha uyğundur.

Ekspert vurğulayıb ki, məkanın xüsusiyyətlərini nəzərə almaq mühümdür: "Ətirin intensivliyi sahədən, tavanın hündürlüyündən, havalandırma sistemindən və interyerin detallarından asılıdır. Kiçik otaqlarda qavrayışı yükləməmək üçün yüngül və şəffaf kompozisiyalar, geniş məkanlarda isə tədricən yayılan zəngin ətirlər seçmək daha yaxşıdır".

Parfümer həmçinin xatırladıb ki, qoxu seçərkən onun tündlüyünü və məkanda necə açıldığını diqqətə almaq lazımdır. İdeal ətir hiss olunan, lakin bezdirici olmayan xarakter daşımalıdır. İstifadəyə az miqdarda başlamaq və tədricən təsiri artırmaq məsləhətdir.

Bundan başqa, mövsüm və otağın təyinatı da nəzərə alınmalıdır:

- Yüngül çiçək və sitrus notları yaz-yay, odun, ədviyyat və şərq qoxuları isə payız-qış ayları üçün idealdır.

- ataq otağı üçün yumşaq və sakitləşdirici, qonaq otağı üçün isə parlaq və ifadəli ətirlər seçmək məqsədəuyğundur.

Xəbər maraqlı gəlib? Sosial şəbəkələrdə paylaşın