Gəncədə məktəbdə dəhşətli hadisə: Şagird bıçaqlandı

Gəncədə məktəblilər arasında bıçaqlanma hadisəsi baş verib.

Gundem.today "Qafqazinfo"ya istinadən xəbər verir ki, hadisə 9 nömrəli tam orta məktəbdə qeydə alınıb. İki məktəbli arasında yaranan mübahisə zamanı bir nəfər kəsici alətlə xəsarət alıb.

Məktəbin 9-cu sinif şagirdi, 2011-ci il təvəllüdlü A.S. (ad şərtidir) kəsici-deşici alətlə yetirilən xəsarətlə xəstəxanaya yerləşdirilib. Yaralıya dərhal ilkin tibbi yardım göstərilib, vəziyyətinin stabil olduğu bildirilir.

İlkin məlumata görə, yeniyetməyə xəsarəti həmin məktəbdə təhsil alan 8-ci sinif şagirdi yetirib. Faktla bağlı polis əməkdaşları tərəfindən araşdırma başlanılıb.

Xəbər maraqlı gəlib? Sosial şəbəkələrdə paylaşın