Hikmət Hacıyev: "Azərbaycanla Macarıstan arasındakı strateji tərəfdaşlıq uğurla inkişaf edir"

Azərbaycan Prezidentinin köməkçisi - Prezident Administrasiyasının (PA) xarici siyasət məsələləri şöbəsinin müdiri Hikmət Hacıyev Budapeştdə Macarıstanın baş nazirinin Milli Təhlükəsizlik üzrə baş məsləhətçisi Marsell Biro ilə görüşüb.

Gundem.today xəbər verir ki, H.Hacıyev bu barədə "X" sosial media hesabında paylaşım edib.

Prezidentin köməkçisi görüşün məhsuldar keçdiyini bildirib.

"Görüş Macarıstanın təşəbbüsü ilə, Türk Dövlətləri Təşkilatına üzv və müşahidəçi ölkələrin dövlət və hökumət başçılarının diplomatik köməkçilərinin toplantısı çərçivəsində baş tutub.

Azərbaycanla Macarıstan arasındakı strateji tərəfdaşlıq bütün sahələr üzrə uğurla inkişaf etməkdə davam edir. Macarıstanın milli maraqlara əsaslanan müstəqil siyasəti, habelə ortaq tarixi, etnik və mədəni bağlara söykənən türk dünyası ilə sıx əlaqələri və TDT çərçivəsindəki fəaliyyəti yüksək qiymətləndirilir", - H.Hacıyev vurğulayıb.

PA-nın xarici siyasət məsələləri şöbəsinin müdirinin sözlərinə görə, mövcud qlobal turbulentlik şəraitində türk dünyasının birliyi və həmrəyliyi xüsusi əhəmiyyət kəsb edir.

Had a highly productive meeting in Budapest with Marcell Biro, Chief National Security Advisor to the Prime Minister of Hungary.The meeting took place at Hungary’s initiative within the framework of the gathering of diplomatic assistants to the heads of state and government of… pic.twitter.com/WJMZ516BAG

Xəbər maraqlı gəlib? Sosial şəbəkələrdə paylaşın