Hikmət Hacıyev: "Vətən müharibəsindən sonra 400-dən çox mülki şəxs minadan zərər çəkib" - FOTO

Azərbaycan Prezidentinin köməkçisi - Prezident Administrasiyasının (PA) xarici siyasət məsələləri şöbəsinin müdiri Hikmət Hacıyev 4 Aprel - Beynəlxalq Mina Maarifləndirmə Günü ilə bağlı paylaşım edib.

Gundem.today xəbər verir ki, bu barədə Prezidentin köməkçisi "X" sosial media hesabında paylaşım edib.

O bildirib ki, 30 illik işğal dövründə Ermənistan tərəfindən Azərbaycan ərazilərinin təxminən 12 faizi 1.5 milyondan çox mina ilə çirkləndirilib:

"2020-ci ildən sonra sülh dövründə 400-dən çox mülki şəxs həlak olub və ya ağır yaralanıb. Mina çirklənməsi Azərbaycanın Qarabağ və Şərqi Zəngəzur bölgələrində yenidənqurma və bərpa işlərinə, həmçinin keçmiş məcburi köçkünlərin təhlükəsiz və ləyaqətli şəkildə qayıdışına mane olur.

Bunlar sadəcə rəqəmlər deyil. Bu rəqəmlərin arxasında yarımçıq qalmış həyatlar, dağılmış ailələr və oğurlanmış gələcək dayanır. Ərazilərin minalardan təmizlənməsi sadəcə texniki bir proses deyil. Bu, ədalətin bərpasıdır. Bu, insan ləyaqətinin qorunmasıdır. Bu, insanların öz evlərinə təhlükəsiz şəkildə qayıtmaq kimi fundamental hüququnun təmin edilməsidir".

April 4 — International Mine Awareness Day 🌍While the world moves forward, Azerbaijan continues to live under a silent, invisible threat — every single day.• Around 12 percent of Azerbaijan’s territory contaminated with 1.5 million more landmines by Armenia during 30 year… pic.twitter.com/eiub37iAZ5

Xəbər maraqlı gəlib? Sosial şəbəkələrdə paylaşın