Juninyo "Qarabağ"a qayıdır?

"İnanmıram ki, Juninyonun bura gəlmək şansı olsun. Amma gəlsə, "yox" demərəm".

Gundem.today "Teleqraf"a istinadən xəbər verir ki, bu sözləri "Qarabağ"ın baş məşqçisi Qurban Qurbanov deyib.

Mütəxəssis Meksikanın "Pumas" klubunda çıxış edən sabiq futbolçusu Olavio Juninyonun geri qayıtması ilə bağlı yayılan söz-söhbətlərə aydınlıq gətirib. O, həmçinin komandanın transfer planlarından da danışıb:

"Çünki yaxşı çempionat keçirir. Son oyunlarda az fərqlənsə də, vacib qollar vurur. Transferlərə ümumi yanaşırıq. Hər mövqeyə baxılır. Həm oyunçu sayı, həm də keyfiyyət baxımından ehtiyac var. Gördüyünüz kimi çempionat güclüdür. Düşündüyümdən gərgin oldu. Hər xəttə yeniliklər lazımdır. Bəzən futbolçuların zədəsi və cəzası rotasiyaya mane olur. Son bir ayda futbolçulara rahatlıq yoxdur. Bu baxımdan yayda bir neçə mövqeyə transferlər etməyi planlaşdırırıq".

Qeyd edək ki, Juninyo 2025-ci ilin yanvarında "Qarabağ"dan beş milyon avro qarşılığında Braziliyanın "Flamenqo" klubuna transfer olunmuşdu.

Xəbər maraqlı gəlib? Sosial şəbəkələrdə paylaşın