
Kolumbiyada radikal qərar: Eskobarın "mirası"na qarşı sərt tədbirlər görüləcək
Kolumbiya hökuməti məşhur narkobaron Pablo Eskobarın vaxtilə ölkəyə gətirdiyi begemotların bir qisminin məhv edilməsi ilə bağlı planı təsdiqləyib.
Kolumbiya hökuməti məşhur narkobaron Pablo Eskobarın vaxtilə ölkəyə gətirdiyi begemotların bir qisminin məhv edilməsi ilə bağlı planı təsdiqləyib.
Gundem.today xəbər verir ki, bu barədə ABŞ-nin CBS telekanalı məlumat yayıb.
Hadisənin tarixçəsi 1980-ci illərin sonlarına dayanır. Həmin vaxt Eskobarın Maqdalena vadisindəki şəxsi mülkünə cəmi dörd begemot gətirilmişdi. Narkobaronun 1993-cü ildə ölümündən sonra nəzarətsiz qalan heyvanlar ətrafa yayılaraq sürətlə çoxalmağa başlayıblar. Hazırda onların sayının 170-ə çatdığı bildirilir.
Ekspertlər qeyd edirlər ki, ərazidə təbii yırtıcıların olmaması bu nəhəng məməliləri yerli ekosistem üçün ciddi təhlükəyə çevirib. Begemotlar lamantinlər, su samurları, tısbağalar və çay balıqlarının populyasiyasına zərər vurmaqla yanaşı, ətraf kəndlərin sakinləri üçün də risk yaradırlar.
Hökumət əvvəlcə heyvanları Afrikaya geri göndərməyi düşünsə də, hər bir begemot üçün 3.5 milyon dollar xərc tələb olunması bu planı qeyri-mümkün edib. Sterilizasiya və zooparklara köçürmə cəhdləri də nəticə vermədiyindən, illərlə sürən müzakirələrdən sonra heyvanların öldürülməsinə qərar verilib. İlkin mərhələdə 80-ə yaxın begemotun məhv edilməsi planlaşdırılır, lakin prosesin dəqiq başlama tarixi hələlik açıqlanmır.
Xəbər maraqlı gəlib? Sosial şəbəkələrdə paylaşın
Oxşar Xəbərlər
DünyaAvstraliyada xadimə evdə bir milyon dollar həcmində partlayıcı və narkotik tapıb
Avstraliyanın Melburn şəhərində xadimə kirayə mənzildə bir milyon dollardan çox dəyəri olan narkotik vasitələr, silah və partlayıcı maddələr aşkar edib.
DünyaÇində ağlagəlməz hadisə: 32 yaşlı kişinin qarnından 20 il əvvəl udduğu termometr çıxarıldı
Qarın ağrısından şikayət edərək xəstəxanaya müraciət edən 32 yaşlı çinli kişi ağrılarının səbəbini öyrənəndə şoka düşüb.
DünyaNorveçdə yeniyetmə avtobus qaçırıb İsveçə getdi - VİDEO
Norveçli yeniyetmə dayanacaqdan marşrut avtobusunu qaçıraraq onunla 200 kilometrdən çox məsafə qət edib və İsveçin Stenunqsund şəhərinə çatıb.
DünyaÇində dəniz məhsullarında görmə itkisinə səbəb ola bilən virus aşkarlanıb
Çin alimləri krevetka və balıqlarda insanlara yoluxa bilən və nadir göz xəstəliyi yaradan yeni POH-VAU virusunu aşkarlayıblar.