Londonda maraqlı insident: Polisin arsenalından elektroşoker və sursatlar yoxa çıxıb - FOTO

London polisinin arsenalından üç "Taser" elektroşokeri və müvafiq sursatlar yoxa çıxıb.

Gundem.today xəbər verir ki, bu barədə Britaniyanın "Daily Mail" nəşri məlumat yayıb.

Hadisənin ən diqqətçəkən məqamı odur ki, polis əməkdaşları içərisində silahların olduğu çantanı London meri Sadik Xanın evinin yaxınlığında unudublar. Nəşr qeyd edir ki, itən silahlardan biri artıq tapılsa da, iki elektroşoker hələ də axtarılır. Sözügedən cihazlar maksimum gücü 50 000 volt olan odlu silah kimi təsnif edilir.

Jurnalistlər xatırladıblar ki, 2025-ci ilin aprel ayına qədər olan son beş il ərzində London polisi artıq iki "Taser" elektroşoker tapançasını, eləcə də 9 mm və 5.56 mm-lik 25 patronu itirib. Həmin silah və sursatlar indiyədək tapılmayıb.

Xəbər maraqlı gəlib? Sosial şəbəkələrdə paylaşın