Mərhum şahmatçımız Vüqar Həşimovun qardaşı Avropada yüksək vəzifəyə namizəddir

Azərbaycanı dünya arenasında layiqincə təmsil etmiş mərhum Avropa çempionu Vüqar Həşimovun qardaşı Sərxan Həşimovun Avropa Şahmat Birliyinin (ECU) vitse-prezidenti vəzifəsinə namizədliyi irəli sürülüb.

Gundem.today xəbər verir ki, bu təyinatla bağlı xəbər ECU-nun rəsmi saytında paylaşılıb.

Məlumata əsasən, S.Həşimovun namizədliyi rəsmən Azərbaycan Şahmat Federasiyası (AŞF) tərəfindən təqdim olunub. Bununla yanaşı, AŞF birlik prezidenti uğrunda gedən mübarizədə gürcüstanlı namizəd Zurab Azmayparaşvilini dəstəkləyəcəyini bəyan edib.

Məlumat üçün vurğulayaq ki, Avropa Şahmat Birliyinin gələcək rəhbərliyini müəyyənləşdirəcək həlledici seçki cari ilin iyun ayının 18-də baş tutacaq.

Xəbər maraqlı gəlib? Sosial şəbəkələrdə paylaşın