Pentaqon rəhbəri: "Müctəba Xamenei əlil vəziyyətdədir"

ABŞ-nin hərb naziri Pit Heqset İranın ali lideri Müctəba Xameneinin mövcud durumu ilə bağlı açıqlama verib.

Gundem.today xəbər verir ki, bu barədə Pentaqon rəhbəri aprelin 8-də təşkil olunan mətbuat konfransında danışıb. O, İrana edilən aviazərbələr zamanı Müctəba Xameneinin xəsarətlər aldığını deyib. Nazir həmçinin əlavə edib ki, Xamenei əlil vəziyyətinə düşüb.

Xatırladaq ki, fevralın 28-də İsrailin müdafiə naziri İsrael Kats İsrail Müdafiə Qüvvələrinin İrana qabaqlayıcı zərbə endirdiyini açıqlayıb. Daha sonra ABŞ Prezidenti Donald Tramp ölkəsinin də İrana qarşı hərbi əməliyyatda iştirak etdiyini bildirib.

İran isə öz növbəsində İsrailə onlarla ballistik raket atıb. İsrail Müdafiə Qüvvələri atışları təsdiqləyib, ölkə daxilində sirenlər səslənib və hava hücumundan müdafiə sistemləri işə salınıb.

Martın 1-də İranın Ali Lideri Əli Xameneinin hücumlar zamanı öldürüldüyü bəyan olunub.

İran ABŞ-nin hərbi bazalarının yerləşdiyi qonşu ölkələrin əksəriyyətinə raket zərbələri endirib. Buna görə də həmin ölkələrdə hava məkanı müvəqqəti bağlanıb.

Həmçinin Hörmüz boğazından gəmilərin keçidində ciddi problemlər yaranıb.

Aprelin 8-də Donald Tramp Tehrana verdiyi ultimatumun vaxtının bitməsinə bir neçə saat qalmış Vaşinqtonun ikihəftəlik atəşkəslə razılaşdığını elan edib.

Xəbər maraqlı gəlib? Sosial şəbəkələrdə paylaşın