"Qalatasaray"dan ilin transfer "bombası": "Liverpul"un ulduzu Türkiyəyə gələ bilər - FOTO

Türkiyənin "Qalatasaray" klubu qarşıdan gələn yay transfer pəncərəsində səs-küylü bir gedişə imza atmağa hazırlaşır.

Gundem.today xəbər verir ki, komandanın əsas hədəfi İngiltərənin "Liverpul" klubunda çıxış edən niderlandlı ulduz Vircil van Deyki heyətinə qatmaqdır.

Yaxın günlərdə İstanbul təmsilçisinin futbolçu ilə rəsmi danışıqlara başlayacağı gözlənilir. Yayda Premyer Liqa nəhəngi ilə yollarını ayırmaq niyyətində olan Van Deykin özünün də gələcək təklifləri dəyərləndirməyə müsbət yanaşdığı bildirilir.

Qeyd edək ki, təcrübəli oyunçunun müasir transfer bazarındakı dəyəri 18 milyon avro olaraq qiymətləndirilir.

Xəbər maraqlı gəlib? Sosial şəbəkələrdə paylaşın