Qusarda 10-dan çox kəndin rayon mərkəzi ilə əlaqəsi kəsildi - FOTO - VİDEO

Qusar rayonunda güclü yağışlar və torpaq sürüşməsi ciddi fəsadlara səbəb olub.

Gundem.today xəbər verir ki, bununla bağlı videogörüntü yayımlanıb.

Qeyd olunub ki, aramsız yağan leysan nəticəsində Qusar-Həzrə yolunun Yasab kəndi ərazisindən keçən hissəsində yol tamamilə çöküb. Yasab və Piral kəndlərində yaşayan sakinlərin rayon mərkəzi ilə əlaqəsində ciddi çətinliklər yaradıb. 10-dan çox kəndin rayon mərkəzi ilə nəqliyyat əlaqəsinin kəsildiyi bildirilir.

Hadisə zamanı xəsarət alan olmayıb. Hazırda problemin aradan qaldırılması üçün müvafiq qurumların əraziyə cəlb olunduğu qeyd olunub.

Xəbər maraqlı gəlib? Sosial şəbəkələrdə paylaşın