Rafael Nadal doktorluq dərəcəsi alıb

İspaniyalı tennisçi Rafael Nadal Madrid Politexnik Universitetində doktorluq dərəcəsi alıb.

Gundem.today xəbər verir ki, bu barədə dünyanın keçmiş bir nömrəli raketka ustası "X" sosial şəbəkə hesabında məlumat paylaşıb.

"Karyeram ərzində bir çox mükafatlar almışam, lakin akademik dünyadan gələn təltiflər mənim üçün xüsusi əhəmiyyət kəsb edir. Çünki bu, təhsil sahəsində çalışan və cəmiyyətin tərəqqisinə kömək edən təsisatların tanınması deməkdir", - deyə Rafael Nadal yazıb.

2025-ci ilin oktyabrında ona Salamanka Universitetinin fəxri doktoru adı da verilib.

Qeyd edək ki, R.Nadalın 39 yaşı var. İspaniyalı idmançının hesabında Peşəkar Tennisçilər Assosiasiyasının (ATP) turnirlərində 92 qələbə, o cümlədən "Böyük Dəbilqə" seriyalı turnirlərdə 22 zəfər var. Nadal, həmçinin ikiqat Olimpiya çempionudur. Tennisçi karyerasını 2024-cü ildə başa vurub.

Xəbər maraqlı gəlib? Sosial şəbəkələrdə paylaşın