Tbilisidə Azərbaycan vətəndaşı saxlanılıb

Tbilisi Polis Departamentinin İsanı-Samqori Baş İdarəsinin əməkdaşları odlu silah və narkotik vasitələrin qanunsuz əldə edilməsi və saxlanılması ittihamı ilə Azərbaycan Respublikasının vətəndaşı, 2001-ci il təvəllüdlü R.M.-ni saxlayıblar.

Gundem.today Aktual.ge-yə istinadən xəbər verir ki, bu barədə Gürcüstan Daxili İşlər Nazirliyi məlumat yayıb.

Qurumun bildirdiyinə görə, polis təqsirləndirilən şəxsin müvəqqəti yaşadığı evdə aparılan axtarış zamanı maddi sübut kimi odlu silah tipli tapançalar, döyüş patronları və daraqlar götürüb.

Hüquq-mühafizə orqanları tərəfindən həmçinin marixuana və psixoaktiv maddə olan "bio" da müsadirə edilib.

"İstintaq Cinayət Məcəlləsinin 236 və 260-cı maddələri ilə aparılır ki, bu da 6 ilədək azadlıqdan məhrumetmə cəzasını nəzərdə tutur", - deyə məlumatda qeyd olunub.

Xəbər maraqlı gəlib? Sosial şəbəkələrdə paylaşın