Türkiyə Superliqası: "Qalatasaray" Trabzon səfərində büdrədi

Türkiyə Superliqasının 28-ci turunda çempionluq uğrunda mübarizə aparan komandaların görüşü baş tutub.

Gundem.today xəbər verir ki, lider "Qalatasaray" ikinci sıradakı "Trabzonspor"un qonağı olub.

Qarşılaşma trabzonluların qələbəsi ilə başa çatıb - 2:1.

Hesabı 4-cü dəqiqədə ev sahiblərindən Onuaçu açıb. 48-ci dəqiqədə Sinqo hesabı bərabərləşdirsə də, 62-ci dəqiqədə Nvaivu "Trabzonspor"un qələbəsini rəsmiləşdirib.

Bu nəticədən sonra ehtiyatda bir oyunu olan "Qalatasaray" 27 oyundan sonra 64 xalla liderliyini davam etdirir. "Trabzonspor" 28 oyundan 63 xal yığaraq ikinci yerdə qərarlaşıb.

Xəbər maraqlı gəlib? Sosial şəbəkələrdə paylaşın