Yeni araşdırma: Orta əsrlərdə Yer güclü Günəş partlayışı ilə üzləşib

Fiziklər müəyyən ediblər ki, Yer 1200 və ya 1201-ci ildə Günəş aktivliyinin pik dövründə güclü plazma tullantısının təsirinə məruz qalıb. Bunun izləri qədim Çin xronikalarında və yapon mənbələrində aşkar edilib.

Gundem.today xəbər verir ki, bu barədə Okinava Elm və Texnologiya İnstitutu məlumat yayıb.

Alimlər bildiriblər ki, bu hadisə çox nadir və ekstremal partlayışlarda 3-10 dəfə zəif olsa da, yenə də təhlükəli olub. Araşdırma göstərir ki, son 15 min ildə Yer ən azı beş belə güclü Günəş hadisəsi yaşayıb.

Tədqiqatçılar, həmçinin müəyyən ediblər ki, həmin dövrdə Günəşin aktivlik dövrü indiki 11 ildən fərqli olaraq təxminən 7-8 il olub və bu da o vaxt Günəşin daha fəal olduğunu göstərir.

Xəbər maraqlı gəlib? Sosial şəbəkələrdə paylaşın