33 yaşlı şəxs psixiatriya xəstəxanasında öldü - Həbs olunan var

Aprelin 4-də Səhiyyə Nazirliyinin nəzdində Gəncə Psixiatriya Xəstəxanasında ölüm faktı qeydə alınıb.

Gundem.today "Qafqazinfo"ya istinadən xəbər verir ki, Göygöl rayonu, Quşqara kənd sakini, 1993-cü il təvəllüdlü Miri İsmayılov xəstəxanada vəfat edib.

Məlumata görə, o, beş ilə yaxın Gəncə Psixiatriya Xəstəxanasında müalicə alıb.

Hadisə ilə ilə bağlı Gəncə Şəhər Prokurorluğunda cinayət işi başlanaraq ibtidai istintaq aparılır.

Qeyd edilib ki, ilkin istintaq tədbirləri nəticəsində toplanmış sübutlar əsasında həmin xəstəxanada müalicə alan 1980-ci il təvəllüdlü Zaur Mustafayev iş üzrə təqsirləndirilən şəxs qismində cəlb olunub. Barəsində müstəntiqin vəsatəti və ibtidai araşdırmaya prosessual rəhbərliyi həyata keçirən prokurorun təqdimatı əsasında Gəncə Şəhər Məhkəməsinin qərarı ilə həbs qətimkan tədbiri seçilib.

Xəbər maraqlı gəlib? Sosial şəbəkələrdə paylaşın