
ABŞ bir ölkəyə dollar tədarükünü dayandırdı
ABŞ İraq hökumətinə təzyiq göstərmək və onları yerli iranyönümlü hərbi qruplaşmalarını buraxmağa məcbur etmək məqsədilə bu ölkəyə dollar əsginaslarının tədarükünü dayandırıb. Həmçinin Bağdadla təhlükəsizlik sahəsindəki əməkdaşlıq proqramlarını dondurub.
ABŞ İraq hökumətinə təzyiq göstərmək və onları yerli iranyönümlü hərbi qruplaşmalarını buraxmağa məcbur etmək məqsədilə bu ölkəyə dollar əsginaslarının tədarükünü dayandırıb. Həmçinin Bağdadla təhlükəsizlik sahəsindəki əməkdaşlıq proqramlarını dondurub.
Gundem.today xəbər verir ki, bu barədə məlumatlı mənbələrə istinadən "The Wall Street Journal" qəzeti məlumat yayıb.
Bildirilib ki, ABŞ Maliyyə Nazirliyi İraq neftinin satışından əldə edilən və Nyu-York Federal Ehtiyat Bankının hesablarında olan təxminən 500 milyon dollar vəsaitin göndərilməsini bloklayıb. Qeyd olunur ki, bu, ABŞ-nin İrana qarşı hərbi əməliyyatlara başlamasından bəri Vaşinqton tərəfindən İraqa göndərilməsi dayandırılan ikinci nağd pul partiyasıdır.
Qəzet bildirir ki, ABŞ rəhbərliyi eyni zamanda İraq hərbçilərinin və antiterror bölmələrinin hazırlığı üzrə bir sıra proqramların maliyyələşdirilməsini də dayandırıb. Nəşrinin qənaətinə görə, Vaşinqtonun atdığı bu addımlar onun Bağdada təzyiqləri artırmaq və İraqın İranla əlaqələrini zəiflətmək niyyətini nümayiş etdirir.
Nəşr xatırladır ki, 2003-cü ildə ABŞ-nin İraqa hərbi müdaxiləsindən sonra bu ölkənin neft satışından əldə etdiyi gəlirlər Nyu-York Federal Ehtiyat Bankında saxlanılmağa başlanıb. Eyni zamanda, 2015-ci ildə də ABŞ həmin vəsaitlərin bir hissəsinin İŞİD terror qruplaşmasının əlinə keçməsi şübhəsi ilə İraqa nağd pul verilməsini müvəqqəti olaraq dondurmuşdu.
Xəbər maraqlı gəlib? Sosial şəbəkələrdə paylaşın
Oxşar Xəbərlər
DünyaRafael Qrossi: "BAEA-sız ABŞ və İran arasındakı razılaşma sadəcə illüziya olacaq"
ABŞ və İran arasındakı ehtimal olunan razılaşma, prosesə Beynəlxalq Atom Enerjisi Agentliyi (BAEA) cəlb edilməyəcəyi təqdirdə sadəcə razılaşma illüziyasına çevriləcək.
Dünya"Axios": Ağ Ev İranla bağlı razılaşma üçün Müctəba Xameneinin cavabını gözləyir
ABŞ hakimiyyəti və Pakistan vasitəçiləri İranın ali lideri Müctəba Xameneinin münaqişənin nizamlanması üzrə son təklifə cavabını gözləməkdədirlər.
DünyaDünya neft bazarında SON VƏZİYYƏT: Qiymətlərdə hansı dəyişiklik var?
Qlobal bazarda neft cüzi ucuzlaşıb.
DünyaHörmüz boğazında konteyner gəmisinə hücum edildi - FOTO
Hörmüz boğazı sularında, Oman sahillərindən təxminən 15 dəniz mili aralığında konteyner gəmisinə hücum faktı qeydə alınıb.