"Arsenal"da ciddi itkilər: "Sportinq"lə matçda iki əsas futbolçusu oynamayacaq - FOTO

İngiltərə Premyer Liqasının nəhənglərindən olan "Arsenal" mühüm qarşılaşma ərəfəsində iki böyük itki ilə üzləşib.

Gundem.today xəbər verir ki, "topçular" UEFA Çempionlar Liqasının 1/4 final mərhələsinin ilk oyunları çərçivəsində səfərdə "Sportinq"lə keçiriləcək gərgin matça Bukayo Saka və Yurien Timberdən məhrum vəziyyətdə çıxacaqlar.

Bununla belə, komandanın baş məşqçisi Arteta azarkeşlər üçün müsbət məqamları da qeyd edib. O bildirib ki, Deklan Rays, Qabriel Maqalhaeş və Leandro Trossard bu matçda meydanda yer alacaqlar.

Xatırladaq ki, futbol həvəskarlarının böyük maraqla gözlədiyi "Sportinq" - "Arsenal" qarşılaşmasının start fiti bu gün Bakı vaxtı ilə tam 23:00-da səslənəcək.

Xəbər maraqlı gəlib? Sosial şəbəkələrdə paylaşın