Azərbaycan U-17 millisi Litva ilə qolsuz heç-heçə edib

17 yaşadək futbolçulardan ibarət Azərbaycan milli komandası Avropa çempionatının seçmə mərhələsinin II raundu çərçivəsində bu gün ikinci oyununa çıxıb.

Gundem.today xəbər verir ki, B liqasının 2-ci qrupunda yer alan komanda Bolqarıstanın Plovdiv şəhərində Litva yığması ilə üz-üzə gəlib.

"Nikola Şterev - Starika İdman Kompleksi"ndə keçirilən görüş qolsuz heç-heçə ilə yekunlaşıb.

Xatırladaq ki, U-17 daha əvvəl Bolqarıstanla bərabərə qalıb - 1:1. Komanda martın 30-da Malta ilə qarşılaşacaq.

Xəbər maraqlı gəlib? Sosial şəbəkələrdə paylaşın