Bakı-Şamaxı yolunda qəza: 67 yaşlı qadın öldü

Bakı-Şamaxı yolunda ölümlə nəticələnən yol-nəqliyyat hadisəsi baş verib.

Gundem.today-ın məlumatına görə, hadisə yolun Qobustan rayonu ərazisindən keçən hissəsində baş verib.

Göyçay rayonundan Bakı istiqamətində hərəkətdə olan "Hyundai Sonata" markalı 99-CL-755 dövlət nömrə nişanlı avtomobil hərəkətdə olarkən idarəetməni itirərək aşıb.

Hadisə nəticəsində avtomobildə olan sərnişin, Göyçay rayon sakini 1959-cu il təvəllüdlü Məznunə Ətraf qızı Xəlilova aldığı xəsarətlərdən hadisə yerində dünyasını dəyişib.

Hadisə nəticəsində yolun Şamaxıdan Bakıya gələn istiqamətində sıxlıq yaranıb.

Faktla bağlı araşdırma aparılır.

Xəbər maraqlı gəlib? Sosial şəbəkələrdə paylaşın