Bakıda kollecə yeni direktor təyin edildi - FOTO
Bakı Dövlət Rabitə və Nəqliyyat Kollecinə yeni təyin edilən direktor Səbuhi Qurbanov kollektivə təqdim olunub.
Bakı Dövlət Rabitə və Nəqliyyat Kollecinə yeni təyin edilən direktor Səbuhi Qurbanov kollektivə təqdim olunub.
Gundem.today xəbər verir ki, bu barədə Elm və Təhsil üzrə Dövlət Agentliyi məlumat yayıb.
Bildirilib ki, Səbuhi Qurbanov bakalavr təhsilini Bakı Dövlət Universitetində riyaziyyat ixtisası üzrə, magistratura təhsilini isə Azərbaycan Dövlət İqtisad Universitetində biznesin təşkili və idarə edilməsi ixtisası üzrə alıb.
O, əmək fəaliyyətinə Şəki şəhər 11 nömrəli tam orta məktəbdə riyaziyyat müəllimi kimi başlayıb. Daha sonra həmin məktəbdə direktor müavini, Şəki şəhər 20 nömrəli tam orta məktəbdə direktor vəzifələrində çalışıb, həmçinin Şəki-Zaqatala Regional Təhsil İdarəsində baş məsləhətçi kimi fəaliyyət göstərib.
Səbuhi Qurbanov Azərbaycan Respublikası Prezidentinin müvafiq Sərəncamı ilə "Tərəqqi" medalı ilə təltif olunub.
Qeyd edək ki, Səbuhi Qurbanov 2025-ci ildən son təyinatadək Bakı Dövlət Rabitə və Nəqliyyat Kollecinin tədris işləri üzrə direktor müavini vəzifəsində çalışıb.
Xatırladaq ki, fevralın 11-də S.Qurbanova direktorun səlahiyyətlərinin müvəqqəti icrası həvalə edilmişdi.
Xəbər maraqlı gəlib? Sosial şəbəkələrdə paylaşın
Oxşar Xəbərlər
CəmiyyətHeyvan bazarları ilə bağlı YENİ MƏHDUDİYYƏTLƏR - FOTO
"Bazarlar heyvanların sıx toplandığı və yoluxucu xəstəliklərin yayılması üçün yüksək risk yaradan ərazilər hesab olunur. Bu cür məkanlarda baytarlıq-sanitariya normalarına əməl olunmaması və effektiv baytarlıq nəzarətinin təmin edilməməsi epizootoloji vəziyyətin nəzarətdən çıxmasına səbəb ola bilər. Bu baxımdan, heyvan bazarlarının girişində baytarlıq nəzarəti tədbirlərinin gücləndirilməsi xüsusi əhəmiyyət kəsb edir".
CəmiyyətNazirlik qeyri-sabit hava şəraiti ilə əlaqədar ƏHALİYƏ MÜRACİƏT ETDİ
Milli Hidrometeorologiya Xidmətinin məlumatına görə, yaxın günlər ərzində bir sıra ərazilərdə arabir güclü külək əsəcəyi, ayrı-ayrı yerlərdə intensiv yağış yağacağı, bəzi dağ çaylarından qısamüddətli sel keçəcəyi və şimşək çaxacağı proqnozlaşdırılır.
CəmiyyətBorclu ilə zərərçəkən vəfat etdilər: 20 min manatın ödənilməsi mübahisə yaratdı
Azərbaycan Respublikası Ali Məhkəməsi Mülki kollegiyası artıq qanuni qüvvəyə minmiş və qismən icra olunmuş məhkəmə qərarının mövcud olduğu halda eyni tələb üzrə yenidən məhkəmə baxışının aparılmasının yolverilməzliyinə dair məhkəmə təcrübəsinin vahidliyini müəyyən edən qərar qəbul edib.
CəmiyyətTuran Topalova vəzifəsindən ayrıldı
Elm və Təhsil Nazirliyinin nəzdində fəaliyyət göstərən Xaricdə Təhsil Dövlət Proqramı İdarəetmə Qrupunun rəhbəri Turan Topalova tutduğu vəzifədən ayrılıb.