
"Böyük İpək Yolu" beynəlxalq turniri: Millimiz 21 medalla komanda hesabında birinci yeri tutub
Bakıda kişi və qadın boksçular arasında ənənəvi "Böyük İpək Yolu" beynəlxalq turnirinin qalibləri müəyyənləşib. 6 gün davam edən yarışda 10 ölkənin 126 idmançısı qüvvəsini sınayıb.
Bakıda kişi və qadın boksçular arasında ənənəvi "Böyük İpək Yolu" beynəlxalq turnirinin qalibləri müəyyənləşib. 6 gün davam edən yarışda 10 ölkənin 126 idmançısı qüvvəsini sınayıb.
Gundem.today xəbər verir ki, Boks Mərkəzində təşkil olunan turnir Azərbaycan millisi üçün uğurlu alınıb. Bu gün baş tutan final mərhələsinin ilk görüşündə Sübhan Mamedov (50 kq) komanda yoldaşı Bilalhəbaşi Nəzərovla döyüşüb. Döyüş dünya çempionunun 5:0 (29:28, 30:27, 29:28, 29:28, 29:28) hesablı qələbəsi ilə yekunlaşıb.
Ardınca da həlledici mərhələdə Azərbaycan duelləri olub. Amin Məmmədzadə (55 kq) Zəlimxan Süleymanova qalib gələrək qızıl medala yiyələnib. Tayfur Əliyev (60 kq) - Məhəmmədəli Aşırəliyev və Malik Həsənov (65 kq) - Zaur Qəhrəmanov qarşılaşmaları birincilərin aktivinə yazılıb.
90 kq-da Surət Qarayev Coşua Heskeni (Avstraliya) məğlub edib - 3:2 (30:27, 28:29, 28:29, 29:28, 29:28). Məhəmməd Abdullayev (+90 kq) də komanda yoldaşlarının uğurunu davam etdirib. O, Aleksandr Şauya (Avstraliya) 3:2 (29:28, 29:28, 27:30, 30:27, 27:30) hesabı ilə qalib gələrək çəkisinin ən güclüsü olub.
Digər boksçularımızdan Seyid Seyidov (80 kq) gümüş, Zidan Hünbətov (55 kq), Məhəmmədəli Qasımzadə (60 kq), Sərxan Əliyev (70 kq), Səidcəmşid Cəfərov, Rasim Çobanlı (hər ikisi 75 kq), Həsən Osmanlı (80 kq), Murad Allahverdiyev (85 kq), Səbuhi Əlizadə (+90 kq), Günel Rəhimova (51 kq) və Emili Rzayeva (65 kq) bürünc medal qazanıblar.
Millimiz 21 - 6 qızıl, 5 gümüş və 10 bürünc medalla komanda hesabında birinci yeri tutub və "Böyük İpək Yolu" kubokuna yiyələnib. İkinci yerdə Qazaxıstan (3-5-7) qərarlaşıb, "üçlüy"ü Türkiyə (3-0-3) qapayıb.
Turnirdə ən yaxşı boksçu Bakberqen Aliaskarov (Qazaxıstan) seçilib. Raşid Benaiça (Əlcəzair) ən yaxşı hakim adına layiq görülüb.
Xəbər maraqlı gəlib? Sosial şəbəkələrdə paylaşın
Oxşar Xəbərlər
İdmanRumıniyalı məşqçi Mirça Luçesku vəfat edib
Rumıniyalı məşqçi Mirça Luçesku vəfat edib.
İdmanİtaliya millisinin hədəfindəki BÖYÜK AD - FOTO
İtaliya futbolunda yeni baş məşqçinin kimliyi ətrafında yaranmış intriqa davam edir və rəhbərlik bu məsələdə qətiyyən tələsmək niyyətində deyil.
İdman"Turan Tovuz" qələbəni niyə əldən verdi? - Baş məşqçidən AÇIQLAMA
"Demək olar ki, heç nədən qol buraxdıq".
İdman"Qalatasaray"ın müdafiəçisi "Napoli"nin hədəfində: Yay transfer pəncərəsində sürpriz gözlənilir - FOTO
Türkiyənin "Qalatasaray" klubunun arxa xəttindəki çıxışı ilə diqqət çəkən müdafiəçi Uilfrid Sinqo İtaliya A Seriyasına transferə hazırlaşır.