Ceyhun Bayramov və Kaya Kallasın geniştərkibli görüşü olub - FOTO

Azərbaycanın xarici işlər naziri Ceyhun Bayramov və Avropa İttifaqının ali nümayəndəsi Kaya Kallas arasında geniştərkibli formatda görüş keçirilib.

Bu barədə Gundem.today Azərbaycan Xarici İşlər Nazirliyinə (XİN) istinadən xəbər verir.

An expanded meeting was held between the Minister of Foreign Affairs of #Azerbaijan Jeyhun Bayramov and @KajaKallas, EU High Representative for Foreign Affairs and Security Policy, Vice President of the European Commission @AzerbaijanMFA.The sides had a comprehensive… pic.twitter.com/hjZ0d3wEMT

Belə ki, tərəflər Azərbaycan və Avropa İttifaqı arasında münasibətlərin bütün istiqamətlərini əhatə edən hərtərəfli müzakirələr aparıblar. Bu çərçivədə siyasi dialoq, hüquqi və institusional əməkdaşlıq, həmçinin ikitərəfli tərəfdaşlıq gündəliyinin gələcək inkişaf perspektivləri nəzərdən keçirilib.

Görüşdə enerji əməkdaşlığına xüsusi diqqət yetirilib. Azərbaycanın Avropanın enerji təhlükəsizliyinə töhfə verən etibarlı təchizatçı kimi rolu, eləcə də bərpa olunan enerji sahəsində əməkdaşlıq məsələləri vurğulanıb.

Bununla yanaşı, ticarət və investisiyalar, iqtisadiyyatın şaxələndirilməsi, rəqəmsallaşma, innovasiya və sənaye əməkdaşlığı, həmçinin nəqliyyat və logistika əlaqələri müzakirə olunub.

Xüsusilə Orta Dəhlizin inkişafı və regional infrastruktur layihələri diqqət mərkəzində olub.

Bildirilib ki, tərəflər həmçinin regional və beynəlxalq təhlükəsizlik məsələlərini, o cümlədən post-münaqişə dövründə vəziyyəti, yenidənqurma və bərpa işlərini, humanitar minatəmizləmə fəaliyyətlərini və Cənubi Qafqazda davam edən normallaşma prosesini müzakirə ediblər.

Dayanıqlı sülh və sabitliyin təmin olunmasının vacibliyi vurğulanıb.

Azərbaycan xarici işlər naziri Ceyhun Bayramov Azərbaycana səfərə gələn Avropa Komissiyasının vitse-prezidenti Kaya Kallasla görüşüb.

Gundem.today xəbər verir ki, bununla bağlı məlumatı Azərbaycan Xarici İşlər Nazirliyi yayıb.

HAPPENING NOW:Minister of Foreign Affairs of #Azerbaijan Jeyhun Bayramov welcomes @KajaKallas, EU High Representative for Foreign Affairs and Security Policy, Vice President of the European Commission @AzerbaijanMFA.The visit highlights the importance of 🇦🇿-🇪🇺 engagement and… pic.twitter.com/lZFvwJFWex

Qeyd olunub ki, səfər dəyişən regional və qlobal dinamika dövründə Azərbaycan - Avropa İttifaqı qarşılıqlı əlaqələrinin və dialoqunun əhəmiyyətini vurğulayır. Bu, qarşılıqlı hörmət və ortaq maraqlara əsaslanan əməkdaşlığı genişləndirmək üçün imkan yaradır.

Xəbər maraqlı gəlib? Sosial şəbəkələrdə paylaşın