Çində dəhşətli partlayışda ölənlərin sayı artdı - Zavodun sahibinin həbsinə hazırlıq görülür

Çinin Hunan əyalətində fişəng zavodunda baş verən partlayış nəticəsində ölənlərin sayı 21-ə çatıb, daha 61 nəfər yaralandığı məlum olub.

Gundem.today xəbər verir ki, bu barədə Çin Mərkəzi Televiziyası məlumat yayıb.

Qeyd edilib ki, hadisə yerində beş xilasetmə qrupu işləyir və ümumilikdə 482 nəfər səfərbər olunub. Xilasedicilər robotlardan və xüsusi avadanlıqlardan istifadə edirlər.

Xəbərdə bildirilir ki, zavod ərazisindəki iki barıt anbarı hələ də yüksək risk yaradır. Xilasetmə qərargahı bir kilometrlik əsas əməliyyat və üç kilometrlik nəzarət zonaları müəyyənləşdirib. Sakinlər dərhal təhlükəsiz ərazilərə təxliyə ediliblər. Bütün zərərçəkənlər xəstəxanaya aparılıb.

Hüquq-mühafizə orqanları partlayış baş verən zavodun sahibini saxlamaq üçün müvafiq tədbirlər görürlər.

Hadisə ilə bağlı araşdırma aparılır.

Xəbər maraqlı gəlib? Sosial şəbəkələrdə paylaşın