
Dünyanın ən nəzakətli ölkələri açıqlanıb - REYTİNQ
ABŞ-nin onlayn pul köçürmələri ilə məşğul olan "Remitly" şirkəti ən nəzakətli ölkələrin siyahısını açıqlayıb.
ABŞ-nin onlayn pul köçürmələri ilə məşğul olan "Remitly" şirkəti ən nəzakətli ölkələrin siyahısını açıqlayıb.
Gundem.today bu barədə şirkətin rəsmi saytına istinadən xəbər verir.
Məlumata görə, araşdırma çərçivəsində 26 ölkədən 4 600 nəfər sorğuya cəlb olunub. Respondentlərdən ən nəzakətli hesab etdikləri ölkələri qeyd etmələri istənilib. Bundan əlavə, iştirakçılar özlərini nə dərəcədə nəzakətli hesab etdiklərini də qiymətləndiriblər.
Sorğunun nəticələrinə əsasən, Yaponiya reytinqin şəksiz lideri olub. Respondentlərin 35.15%-i bu ölkəni ən nəzakətli hesab edib. Tədqiqat müəlliflərinin sözlərinə görə, Yaponiyada nəzakət gündəlik həyatın ayrılmaz hissəsidir. Məsələn, baş əymək yalnız salamlaşma deyil, həm də hörmət əlaməti kimi istifadə olunur.
İkinci yerdə 13.35% göstərici ilə Kanada qərarlaşıb. Araşdırmada qeyd olunur ki, kanadalılar haqqında tez-tez səsləndirilən "hər şeyə görə üzr istəmək" stereotipi müəyyən qədər şişirdilmiş olsa da, cəmiyyətdə qarşılıqlı hörmət və diqqət mühüm rol oynayır.
Üçüncü pillədə isə 6.23% səslə Böyük Britaniya yer alıb. Britaniyalıların nəzakəti əsasən tez-tez "zəhmət olmasa" və "təşəkkür edirəm" ifadələrindən istifadə etmələri, həmçinin növbə mədəniyyəti ilə izah olunur.
İlk onluqda daha sonra Çin (3.07%), Almaniya (2.80%), Filippin (2.30%), İsveç (2.26%), Danimarka (2.07%), Finlandiya (1.92%) və Cənubi Afrika Respublikası (1.82%) qərarlaşıblar.
Araşdırma, həmçinin göstərib ki, ölkə sakinlərinin özlərini qiymətləndirməsi ilə xaricilərin fikirləri arasında fərq var. Belə ki, Braziliya, Çili, Hindistan, İsveç, Fransa, Meksika, İspaniya, Cənubi Afrika Respublikası, ABŞ və Portuqaliya sakinləri özlərini daha çox nəzakətli hesab edirlər.
Xəbər maraqlı gəlib? Sosial şəbəkələrdə paylaşın
Oxşar Xəbərlər
DünyaABŞ və İsrail bəzi İran rəsmilərini hədəf siyahısından çıxarıb
İranın xarici işlər naziri Abbas Əraqçı və Məclisin (parlament) sədri Məhəmməd Baqir Qalibaf ABŞ və İsrailin ehtimal olunan hərbi zərbələrin hədəf siyahısından müvəqqəti olaraq kənarlaşdırılıblar.
DünyaTramp ABŞ-də silah istehsalının sürətləndirilməsini əmr etdi
ABŞ Prezidenti Donald Tramp ölkə daxilində hərbi təyinatlı məhsulların buraxılışının sürətləndirilməsinə dair göstəriş verib.
DünyaKüveytdə dövlət rəsmilərinə sui-qəsd planlaşdıran "Hizbullah" üzvləri saxlanılıblar
Küveytin hüquq-mühafizə orqanları ölkənin dövlət rəsmilərinə qarşı sui-qəsd hazırlamaqda şübhəli bilinən və "Hizbullah" qruplaşması ilə əlaqəsi olan silahlıları yaxalayıblar.
DünyaLatviyadan Rusiyaya etiraz notası: Müvəqqəti işlər vəkili XİN-ə çağrıldı
Latviya Xarici İşlər Nazirliyi (XİN) pilotsuz uçuş aparatının (PUA, dron) ölkənin hava məkanına daxil olması ilə bağlı Rusiyanın Latviyadakı müvəqqəti işlər vəkilinə etirazını ifadə edib.