Fermada əqli gerili qadına təcavüz edən çobana hökm oxundu

Zorlamada təqsirləndirilən Aqil Bəşirovun (adı, soyadı şərtidir - red.) cinayət işi üzrə məhkəmə istintaqı başa çatıb.

Gundem.today Pravda.az-a istinadən xəbər verir ki, Gəncə Ağır Cinayətlər Məhkəməsində hakim Bəhruz Müslümovun sədrliyi ilə keçirilən prosesdə hökm oxunub, müttəhim 7 il müddətə azadlıqdan məhrum edilib.

İttihama görə, hadisə 2023-cü ilin sentyabr ayından 2024-cü ilin sentyabr ayınadək Ağstafa rayonu, Ceyrançöl ot-qışlaq sahəsində yerləşən fermaların birində qeydə alınıb.

Belə ki, Aqil Bəşirov həmin fermada yaşayan, 1991-ci il təvəllüdlü, məhkəmə-psixiatrik ekspertizasının rəyinə əsasən əqli geriliklə əlaqədar öz hərəkətlərinin mənasını və ona qarşı törədilənləri anlamaq və onları şüurlu idarə etmək, həmçinin psixi vəziyyəti ilə əlaqədar olaraq baş verənlərlə bağlı ifadə verə bilmək iqtidarında olmayan qadını - R.R.-i dəfələrlə zorlayıb.

Məhkəmədə Aqil Bəşirov Cinayət Məcəlləsinin 149.2.5-ci maddəsi ilə elan olunmuş ittiham üzrə özünü təqsirli bilib.

Xəbər maraqlı gəlib? Sosial şəbəkələrdə paylaşın