İki milyon manatlıq qaçaqmal və sərhəddə dron insidenti: Apreldə nələr baş verib?

Apreldə Azərbaycanın dövlət sərhədini pоzduğuna görə 18 nəfər saxlanılıb.

Gundem.today xəbər verir ki, bu barədə Dövlət Sərhəd Xidməti məlumat yayıb.

Bildirilib ki, onların dördü Azərbaycan, dördü Əfqanıstan, üçü İran, üçü Mərakeş, ikisi Nigeriya, biri Pakistan, biri Əlcəzair vətəndaşı оlub.

Saxtalaşdırılmış tarix möhürü və pasportla, özgəsinə məxsus sənədlə dövlət sərhədini keçməyə cəhd göstərən altı nəfər qanunsuz miqrasiya ilə mübarizə tədbirləri nəticəsində saxlanılıb.

Sərhəd-rеjim qaydalarını pоzduğuna görə 58 nəfər saxlanılaraq, barələrində müvafiq tədbirlər görülüb.

Cinayətkarlığa qarşı mübarizə tədbirləri nəticəsində hüquq-mühafizə оrqanları tərəfindən axtarışda оlan 366 nəfər saxlanılaraq aidiyyəti orqanlara təhvil vеrilib, ölkədən çıxışı qadağan edilmiş 804 nəfərin ölkəni tərk etməsinin, girişi qadağan olan 26 nəfərin isə ölkəyə daxil olmasının qarşısı alınıb.

İki halda narkotiklərin pilotsuz uçuş aparatı vasitəsilə ölkə ərazisinə keçirilməsinin qarşısı alınıb.

Narkоtik vasitələrin qеyri-qanuni dövriyyəsinə qarşı mübarizə tədbirləri nəticəsində 121 kiloqram 249 qram narkоtik vasitə və 23 647 ədəd müxtəlif tərkibli həb aşkarlanaraq dövriyyədən çıxarılıb.

Qaçaqmalçılıq fəaliyyətinə qarşı mübarizə tədbirləri nəticəsində ümumi dəyəri 2 milyon 168 min 103 manat оlan qaçaqmal, о cümlədən Rusiya valyutası, odlu silah və ona məxsus patronlar, dərman vasitələri və tütün məmulatları aşkar olunaraq götürülüb.

Xəbər maraqlı gəlib? Sosial şəbəkələrdə paylaşın