İranda körpüyə endirilən zərbə nəticəsində ölənlərin sayı artıb

İranın paytaxtı Tehranın qərbində yerləşən Kərəc şəhərində tikilməkdə olan körpüyə ABŞ və İsrailin zərbələri nəticəsində həlak olan mülki şəxslərin sayı artıb.

Gundem.today "Fars" agentliyinə istinadən xəbər verir ki, bu barədə Əlborz vilayətinin qubernator müavini Qüdrətulla Seyf bildirib.

"Bu dəhşətli cinayət nəticəsində Əlborzun səkkiz sakini, o cümlədən Bilekan kəndinin sakinləri, ərazidən keçən sərnişinlər və həmin gün orada olan ailələr həlak olub, 95 nəfər yaralanıb", - deyə məlumatda bildirilir.

Bundan əvvəl İran hökuməti Tehranın qərbində yerləşən Kərəc şəhərində tikilməkdə olan körpüyə iki zərbə endirildiyini bəyan etmişdi.

Xəbər maraqlı gəlib? Sosial şəbəkələrdə paylaşın