İspaniya La Liqası: "Real Madrid" "Espanyol"u məğlub etdi - VİDEO

İspaniya La Liqasının 34-cü turunda "Espanyol" və "Real Madrid" qarşılaşıb.

Gundem.today xəbər verir ki, Barselonadakı "Kornelya-El Prat" stadionunda keçirilən görüş qonaqların 0:2 hesablı qələbəsi ilə başa çatıb.

Hər iki qolu 55-ci və 66-cı dəqiqələrdə Vinisius Junior vuraraq komandasına qələbə qazandırıb.

34 turdan sonra "Espanyol" 39 xalla 13-cü pillədə qərarlaşıb. "Real Madrid" isə 77 xalla ikinci yerdədir. Turnir cədvəlinə 88 xalla "Barselona" başçılıq edir.

Qeyd edək ki, növbəti turda "Real Madrid" mayın 10-da səfərdə "Barselona" ilə qarşılaşacaq.

Xəbər maraqlı gəlib? Sosial şəbəkələrdə paylaşın