"Mossad" rəhbəri: "Düşmən sirlərinin mərkəzindən strateji məlumatlar əldə etdik"

"İsrail Müdafiə Qüvvələri (SAXAL) ilə birlikdə dövlətin strateji mövqeyi dəyişdirilib və gücü artırılıb".

Gundem.today-ın "Mignews" nəşrinə istinadən xəbərinə görə, bu barədə İsrailin "Mossad" xarici kəşfiyyat xidmətinin rəhbəri David Barnea qurumun qərargahında 2025-ci il üzrə mükafatların təqdim edilməsi mərasimi zamanı bildirib.

Tədbirdə həmçinin rəhbərlik nümayəndələri, "Mossad" əməkdaşları, eləcə də İsrail Müdafiə Qüvvələrindən və digər təhlükəsizlik, kəşfiyyat qurumlarından nümayəndələr iştirak ediblər.

Bildirilib ki, bu il ölkənin təhlükəsizliyinə əhəmiyyətli töhfə verən, müxtəlif təhlükəsizlik və kəşfiyyat qurumları ilə yüksək səviyyədə koordinasiyanı əks etdirən 10 əməliyyat və layihə qeydə alınıb.

Bu layihələr arasında düşmənin qapalı strukturlarından strateji və taktiki kəşfiyyat məlumatlarının əldə edilməsi üzrə proseslər də var. Barneanın sözlərinə görə, bu əməliyyatlar İrana qarşı kampaniya çərçivəsində və şimal istiqamətində bir sıra addımların reallaşdırılmasını asanlaşdırıb, eləcə də kəşfiyyat üstünlüyünün qorunmasına imkan yaradıb.

"Biz düşmən sirlərinin birbaşa mərkəzindən strateji və taktiki kəşfiyyat məlumatları əldə etdik", - deyə o vurğulayıb.

Xəbər maraqlı gəlib? Sosial şəbəkələrdə paylaşın