Omanda yaşayış binasına hücum: İki xarici vətəndaş yaralandı

Omanın şimalında yerləşən Musəndam vilayətində yaşayış kompleksinə edilən hücum nəticəsində azı iki nəfər yaralanıb.

Gundem.today xəbər verir ki, bu barədə Oman Xəbər Agentliyi ölkənin təhlükəsizlik orqanlarına istinadən məlumat yayıb.

Məlumata görə, Buxa rayonunun Tibat ərazisində şirkət əməkdaşları üçün nəzərdə tutulan yaşayış binası hücuma məruz qalıb. Hadisə nəticəsində iki əcnəbi vətəndaş orta ağır xəsarətlər alıb.

Bundan əlavə, dörd nəqliyyat vasitəsinə maddi ziyan dəyib, yaxınlıqdakı evlərdən birində isə pəncərələr sınıb.

Qeyd edək ki, Musəndam vilayəti Oman ərazisinin yarımeksklavıdır və Hörmüz boğazı yaxınlığında yerləşir.

Xəbər maraqlı gəlib? Sosial şəbəkələrdə paylaşın