Qadın futbolu tarixində rekord məbləğdə müqavilə imzalandı

ABŞ-nin "San-Diyeqo Veyv" klubu hücumçu mövqeyində çıxış edən futbolçu Katarina Makarionun transferi ilə bağlı müqaviləni tamamlayıb.

Gundem.today bildirir ki, bu barədə komandanın mətbuat xidməti məlumat yayıb.

Amerikalı futbolçu İngiltərənin "Çelsi" klubundan "San-Diyeqo Veyv"ə qadın futbolu tarixində rekord müqavilə imzalayaraq keçib. "The Guardian" qəzetinin verdiyi məlumata görə, K.Makario ABŞ klubu ilə 2030-cu ilə qədər nəzərdə tutulan və ümumi məbləği səkkiz milyon dollar olan müqavilə imzalayıb.

26 yaşlı idmançının əvvəlki komandası ilə müqaviləsinin müddəti 2026-cı ilin yayına qədər idi, buna görə də ESPN telekanalının məlumatına əsasən, tərəflər 300 min dollar məbləğində transfer haqqı üzərində razılığa gələ biliblər.

Hazırda dünyanın ən çox qazanan qadın futbolçusu keçmiş basketbolçu Dennis Rodmanın qızı Triniti Rodmandır. O, "Vaşinqton" ilə müqaviləsini yenilədikdən sonra bonuslar da nəzərə alınmaqla ildə iki milyon dollar maaş alır.

Xəbər maraqlı gəlib? Sosial şəbəkələrdə paylaşın