"Qalatasaray"da CİDDİ İTKİ: Ulduz futbolçusu millidə zədələndi - FOTO

Türkiyənin nəhəng klublarından olan "Qalatasaray"ın ulduz futbolçusu Qabriel Sara gözlənilməz zədə ilə üzləşib.

Gundem.today xəbər verir ki, 26 yaşlı oyunçu Braziliya milli komandasının düşərgəsində olarkən sağ ayağından xəsarət alıb.

Zədəli yarımmüdafiəçinin bərpa prosesi və müalicəsi İstanbulda həyata keçiriləcək. Futbolçunun yaşıl meydanlara nə vaxt dönəcəyi və son durumu ilə bağlı ictimaiyyətə yaxın günlərdə ətraflı məlumat veriləcəyi gözlənilir.

Xatırladaq ki, Qabriel Sara cari mövsümdə "Qalatasaray"ın heyətində 39 qarşılaşmada iştirak edərək altı qol vurub və üç məhsuldar ötürmə ilə yadda qalıb. Yarımmüdafiəçi, həmçinin Braziliya yığmasının heyətində bir matçda yaşıl meydanda mübarizə aparıb.

Xəbər maraqlı gəlib? Sosial şəbəkələrdə paylaşın